【明報專訊】下個月19號係立法會選舉投票日，為咗鼓勵市民投票，民政事務局長徐英偉唔單止用口講，仲落手做。講緊嘅係佢噚日喺facebook上載影片，除咗以旁白呼籲市民投票，畫面右下方有個橢圓形小畫面，徐英偉就喺入面做手語傳譯旁白。宣傳片長約1分鐘，徐英偉話用咗半個鐘先學識呢段手語，大嘆唔容易。