【明報專訊】協助台灣殺人案疑兇陳同佳（圓圖）嘅聖公會教省秘書長管浩鳴出戰立法會選委會界別，為近年少有嘅宗教界人士參選，佢噚日參加香港再出發大聯盟舉辦嘅選舉論壇。佢同Emily講，知道傳媒特別關心佢，而佢去拜會選委時都有人問佢陳同佳嘅事，佢透露陳同佳離開警方安全屋後，搬去另一度住，無出過街，甚至頭髮都唔肯出去剪，而係自己剪。