【明報專訊】因前年10月20日九龍大遊行被判入獄14個月嘅社民連黃浩銘，近日透露獄中生活，提到自己最鍾意跑步同捉中國象棋，跑步仲有助減肥、思考人生，捉棋就忍唔住手先落場。有日阿銘見囚友擺咗個棋局，雙方大抵差一兩步就覆沒，正研究如何行棋，引起佢嘅興趣，結果試咗幾個走法都失敗收場，最後要多番請求仙人指路先「破局」。