【明報專訊】仲有不足一個月就係立法會選舉投票日，候選人四出拉票，「新丁」之一、參選新界北嘅香港新方向張欣宇上周五獲區內一個鄉事委員會邀請，向村長、村代表同委員介紹自己。新界北地區直選有4名候選人，除張欣宇，有民建聯劉國勳、鄉事派沈豪傑同前人民力量秘書長曾麗文。張欣宇喺facebook分享呢次拉票經歷，話自己排第三出場，形容在場鄉親父老已有倦意，前面介紹嘅兩名候選人都聲勢浩大，分別有好多外區鄉事同區議員陪同撐場，搞到佢內心忐忑，最後由太太以客家話助佢一把。