【明報專訊】旅發局舉辦「香港跨年倒數演唱會」門票抽獎，送出3000張飛畀1500名參加者（各兩張），當晚有份演出嘅包括人氣男團MIRROR等，由於根據條款，一經登記唔可以換人，局方就話收到唔少蝦碌個案，甚至成為愛情同友情嘅抉擇。旅發局話，有窩心男友登記時填寫女朋友係同行者，希望抽到後製造小驚喜，點知女友早已想搵fans朋友一齊追星兼倒數，仲請男友打去問旅發局可唔可以換抽獎名單！