【明報專訊】多間大學近日陸續舉辦畢業禮，其中港大今年學位頒授典禮已經嚟到第205屆（唔係一年一屆）。港大噚日喺facebook專頁回顧，話100屆前嘅第105屆學位頒授典禮喺1979年11月舉行，當日有3場典禮，分別稱為第105、106和107屆，地點係香港大會堂音樂廳，全部畢業生有1248人，只及今年畢業生數目約一成，而今年單係經濟及工商管理學院就有2144名畢業生。除咗畢業生數目大增，港大42年嚟亦配合社會發展，學院數目由6個加到10個。