【明報專訊】立法會選舉提名期後日（周五）結束，唔少參選人報名前都會再三檢查資料，以免有甩漏。會計師潘文思怡（別名會計妹）噚日下午去政府總部報名參選會計界，但因為報名表格上填埋夫姓「潘」，同身分證上嘅名唔同，搞咗近一個半鐘都未能報名，之後出番嚟見記者，話要重新宣誓，預告今日會再去報名。