【明報專訊】兆基創意書院每年運動日都會成為熱話，皆因一班學生都會玩cosplay。今年佢哋扮鬼扮馬嘅相再喺網上瘋傳，有同學仔就扮著名嘅「黎先生」。黎先生到底係邊位？前年反修例風波期間，黎先生喺港鐵月台接受傳媒訪問，自言「我嘅訴求就係想返工」，成為網絡熱話，兆基嘅同學仔就掛住個牌喺身，上面寫住「我的訴求就是想上班，沒有其他」；另外仲有人扮記者，拎住「有線新聞」嘅咪牌扮訪問佢。圖片上傳之後逾千人畀LIKE、「哈哈」等反應，仲有差唔多300人分享咗。