【Emily】「搵得嘅都係自己人,保證唔hard sell」 辭區議員 趙柱幫轉行做地產
文章日期:2021年10月2日

【明報專訊】區議員宣誓先後導致大批民主派區議員辭職、被DQ,唔少人都有新去向。原本係沙田區議員嘅趙柱幫7月辭職,佢噚日透露轉行做地產代理,仲上載咗自己張牌照,叫大家如果要買樓賣樓、出租放租都可以搵佢,仲話相熟朋友佣金折扣一定畀到盡。佢話嚟緊會主打沙田區物業,包括馬鞍山、沙田、大圍、火炭一帶。不過,佢慨嘆自己一畢業就從事社福行業,「真心未完全習慣」,又話搵得佢嘅都係自己人,「保證唔會hard sell,從來唔鍾意勉強人」。

這是明報教育網-訂戶專區,進入本區前,請先登入系統...