【明報專訊】區議員分批宣誓，7名港島區議員嘅宣誓被裁定無效，本月中被取消資格（DQ），東區陳榮泰亦喺DQ名單上。近日陳榮泰忙緊收拾辦事處、轉贈物資等，噚日仲同義工一齊「自己招牌自己拆」，正式將自己「除名」。辦事處要喺本月底交還房署，陳榮泰同Emily講，通過唔到宣誓係「預咗」，但未來希望繼續用另一個崗位、另一種方法服務社區，佢上周五喺facebook拍片分享，話趁有人仲記得自己，想「喺社區留一點燈」。