【明報專訊】取代通識科嘅「公民與社會發展科」（公民科）今個學年喺中四推行，全國政協副主席、前特首董建華又有新搞作，佢旗下機構創辦「The China Current」教育頻道，近日提供影片同教材輔助公民科教師教學。Emily睇過啲短片及教材，其中一條片有關《港區國安法》，簡介咗該法主要罪行同罰則，仲提供有關唐英傑案嘅工作紙，有題目要求學生參考《大公報》同政府新聞網報道，寫番政務司長李家超駁斥外國政客批評該案審訊嘅理據，而提供嘅答案係： 「法庭公開審訊，被告由資深大律師辯護，法庭按事實和證據作出裁決」。