【明報專訊】過去嘅星期六、日，一班自動當選嘅候任選委，同身兼港區人大代表、全國政協身分嘅當然選委，空群出動落區宣傳新選舉制度。港區人代、行政會議召集人陳智思噚日就喺石塘嘴街市外向市民派單張，有婆婆被記者問到知唔知嚟緊有咩選舉時，婆婆誤以為係立法會選舉，陳智思即時叫婆婆唔好畀記者嚇親，解釋下星期係選委會選舉，「選委會係幫我哋提名年底嘅立法會以及明年選特首」。