【明報專訊】電子消費券噚日發放，財政司長陳茂波四出宣傳，佢喺facebook話第一期嘅2000元已經「使突」，當中包括買咗好多籠蝦餃請茶客食，短片中佢更化身茶樓侍應，親自推點心車送蝦餃。另一條短片則係財爺去旺角嘅體育用品店買籃球同水樽等禮物送畀中學生，之後同班中學生打籃球同乒乓波，響應全民運動日。