【明報專訊】香港羽毛球一哥伍家朗早前捲入球衣風波，雖然風波源頭民建聯穆家駿噚日「表示歉意」、話「語氣有點過重」，但家朗最終喺分組賽落敗。事後唔少人歸咎政治風波為家朗帶來壓力，曾經係羽毛球學界運動員嘅沙田前區議員黃文萱就話，一個球員訓練大半世人、4年一次機會，「行上場，要因為件衫嘅顏色承受黃藍兩方嘅壓力；喺對手無顧慮地衝擊你嘅時候，你仲要思考著邊件衫，呢件衫兩邊會有咩睇法」；質疑只有香港運動員先要考慮埋政治，但希望大家記得香港有伍家朗呢個咁努力嘅運動員。