【明報專訊】東京奧運帶起全城體育熱，建制派立法會議員噚日組成「龍和隊」出戰「同珍回歸盃葵青三人籃球賽」邀請賽，拎到殿軍（總共4隊）。民建聯鄭泳舜（Vincent）係隊員之一，佢嘅facebook為賽事做直擊報道，原來「龍和隊」今次係首次亮相，隊長係黨友陳恒鑌，其他隊友有黨友張國鈞、何俊賢，工聯會陸頌雄，仲有「強力外援」民政事務局長徐英偉。據現場人士報料，「龍和隊」第一場輸4比6，第二場輸4比9，徐英偉、Vincent同何俊賢都有貢獻入球。