【明報專訊】特首林鄭月娥日前出席民建聯「治政」研習課程，有報道引述佢話預咗自己一世被美國制裁，做特首同親戚冇往來。全國政協常委何柱國前日喺商台節目《光明頂》話，對林太講嘅嘢「冇注意好耐」，「因為佢講來講去三幅被，一係佢自己點威、點辛苦」，形容林太講到自己似「粵語殘片」、好悲慘咁。何柱國斥對方「自己攞嚟」，強調當時已提醒林太修訂《逃犯條例》會引來美國制裁香港，反問林太「你怨咩辛苦啫？」，做得領導都知道為國家、人民係辛苦，唔係歎世界。