【明報專訊】嶺大亞太老年學研究中心舉辦「拾步鄉居共建鄉郊STEM設計比賽」，一班中學生設計同製作適合住喺鄉郊長者用嘅科技產品，提升佢哋嘅生活質素。奪得冠軍嘅係天主教培聖中學學生，作品名為「免提追蹤買餸車」，架車有紅外線自動跟蹤功能，長者購物後，可以將物件放入車，唔使拉住沉甸甸嘅車，就可以輕鬆運送返屋企。