【明報專訊】特首林鄭月娥親自主持訪問各選委界別代表嘅節目《選委界別分組面面觀》，40集已播咗一半，噚日一集就訪問民建聯副秘書長、油尖旺南分區委員會成員葉傲冬（阿冬），林太第一句就話「其實你係我世侄」，因為佢同阿冬嘅先父葉國忠、伯父葉國謙都係多年合作，不論係民政定係地區工作，「都向佢哋兩位學習」，形容「呢十幾廿年睇住你（阿冬）參加地方工作都係非常之積極，亦都好有熱情」。