【明報專訊】新型冠狀病毒疫情下要搵周末去處並唔容易，好彩Emily知道連接金鐘添馬同會展中心嘅灣仔海濱長廊噚日進一步開放，新開放空間面積約7800平方米，以草地為主，既有多款涼亭、桌椅同觀景小丘，亦有由香港木庫用風暴中倒塌樹木建造嘅「小島•小息」公共藝術座椅，仲放咗唔少本地文創嘅「期間限定」互動裝置，其中安泰微型工作室早前以「家」為主題嘅微型藝術裝置，仲係「打卡」標記。