【明報專訊】公民黨再有區議員退黨，沙田區議員黃文萱噚日喺fb表示日前已退出公民黨，亦未有打算喺立法會通過宣誓修例後「完成政府僭建的聲明要求」。文萱向Emily透露，自己約一兩星期前退黨，主因係希望另謀出路，亦希望減低之後所講嘅嘢對公民黨員嘅影響。佢話應該會辭職，但亦希望履行責任，做到最後一刻，又話「我知道公民黨同樣在轉型中，相信未來定必會在光復路上再聚」。