【明報專訊】立法會公務員及資助機構員工事務委員會噚日討論有關公務員內地及本地教育津貼，局方建議擴大公務員子女「本地教育津貼」適用範圍至內地中、小學；而「海外教育津貼」無包內地大學。民建聯蔣麗芸會上表明好唔滿意，話計劃所涵蓋、即2000年前入職嘅公務員子女大多準備入大學，佢哋申請海外教育津貼竟然冇得揀內地，現時好多青少年考慮內地學校，唔明點解中小學畀，大學就唔畀。佢批評政府對香港小朋友唔公道，「點解仲要逼佢去英國？」