【明報專訊】市建局正重建西營盤皇后大道西一帶，重建範圍內1960年代興建嘅永祥大廈，前年渠管淤塞，令住戶苦不堪言。72歲嘅梁威石同細佬、阿媽3個人，居住永祥大廈2樓單位34年。梁伯話最初廁所間中淤塞，冲唔走排泄物，佢哋搵過通渠師傅幫手，但問題未解決，到後來馬桶會突然變成「小噴泉」，噴出一地污水，情况愈嚟愈差，無計可施下，梁伯雖有用舊衣物塞滿馬桶，搵幾個裝滿泥沙嘅大袋壓實，再用大膠袋將馬桶密封，佢哋一家只可以去附近足球場嘅公廁解決。