【明報專訊】對於送畀在囚者嘅物資，懲教署規定一向好嚴格，包括規定M&M's要係40g包裝。近月M&M's廠商停售40g包裝，改為推出37g包裝，但懲教署遲遲未更新認可物品清單，唔少協助在囚者嘅人都大嘆苦惱。致力倡議囚權嘅社企「石牆花」噚日話，每月要處理近百「手足」嘅物資，對40g包裝M&M's需求非常龐大，呼籲市民如果見到合資格嘅M&M's，可以喺辦公時間捐去石牆花，但現階段就唔需要其他物資。