【明報專訊】公民黨前主席、資深大律師余若薇（Audrey）因被香港電台確診髮型師整理過髮型，要隔離檢疫10日。Audrey噚日喺facebook報告，健康一切正常，又話人人都話隔離會悶到發癲，但佢就覺得時間好快過，甚至唔夠用𠻹。梗係啦，身為3女之母嘅佢，有外孫仔女送上溫馨字條，每日陪住佢倒數幾時「出關」，佢哋仲用英文寫上「我愛你」、「我掛住你」、「好好照顧自己」等貼心字句，Audrey形容「天天有驚喜」。