【明報專訊】民主派上月總辭後，立法會內再無民主派嘅聲音，有見及此，公民黨決定從噚日起，每星期兩次喺立法會門外見記者，回應議會內外時政。公民黨副主席、立法會前議員譚文豪就話，初步打算逢周三、五分別舉行例行記者會，即係立法會開大會同埋內會、財會嘅日子，以回應記者嘅提問。公民黨上周六改選執委會，新人上場立即有新措施，黨秘書長梁嘉善（Jessica）同Emily講，就算議會內無民主派，公民黨都應該就政策發表意見。