【明報專訊】沙嶺公墓安葬無人認領嘅遺體，自去年反修例運動以來，有唔少未經證實嘅流言，有區議員就每月都走去沙嶺拜祭，油尖旺區議員陳梓維就每月都做網上直播，佢噚日直播之後，引起同事不滿。公民黨區議員余德寶就喺網上不點名批評，話對死者「至少保留一點敬意」，又話有人「辜負了」支持嘅街坊。陳梓維其後亦喺網上反擊，仲搞「公投」，問網民支唔支持佢直播。