【明報專訊】現屆區議會就任將滿一年，建制、泛民噚日分別開記者會，總結過去一年嘅工作。民建聯觀塘區議員顏汶羽批評，區議會好多時「以政治凌駕民生」，只要同民政事務處有關嘅就唔批，質問係咪地區唔使做滅罪同防火等工作。觀塘區議會主席蔡澤鴻回應話，處理撥款唔係憑空想像，而係根據有關指引，仲指摘有啲人攞住一兩個例子就開記者會係「卑鄙」，「呢啲人係無恥嘅，我係講緊我同事顏汶羽」。