【明報專訊】醫學界議員陳沛然（圖）被歸類為「非建制派」，佢喺民主派宣布總辭後話，疫情下會繼續留任、堅守崗位，同業界、市民抗疫。陳沛然噚日同Emily講多啲佢選擇留任嘅原因，形容「面前支持、反對、棄權3個掣，仲有缺席」，喺呢個世代點揀大家都有唔同意見，𠵱家業界專注抗疫，佢最後按下「留任掣」，主要真係因為疫情，否則考慮或唔一樣，「要頂住」唔想畀人削減政府醫療開支。