【明報專訊】繼上月底出現「藍月」後，嚟緊市民又會觀賞到半影月食。天文台話，今個月30號（周一）香港會出現今年第3次半影月食，由當日下晝3點半開始，直至晚上7點56分結束；食甚時間為下午5時42分，亦即月出後4分鐘，過程（由月出至半影食終）歷時2小時18分。天文台提醒大家，如果想睇到半影月食，到時喺向東及東北方無障礙物嘅地平線欣賞就最好喇。