【明報專訊】中文大學喺11月28日舉辦校友日活動，呼籲校友返母校重聚。校友事務處噚日仲喺社交媒體，發布為校友日而創作嘅主題曲《中大志》及歌曲MV作宣傳。呢首歌曲由幾名校友包辦創作，仲搵咗一批校友做臨記拍MV。MV利用大量航拍，影到中大風光秀麗，好似置身外國咁，取景點當然包括百萬大道及打卡拍拖熱點嘅天人合一亭（圖）。歌詞方面圍繞住中大嘅人文精神同景物，結尾串連中大各書院名稱，「晨興照耀，在崇基起步了，經過的伍宜孫、聯合、敬文、善衡，新亞逸夫同和聲唱出多悅耳，凝住了餘生所愛位置」。