【明報專訊】全港首個海岸公園遊客中心終於啟用有期，發展局長黃偉綸噚日發表網誌，話視乎疫情，西貢西郊野公園嘅海下遊客中心暫定12月下旬開放畀公眾參觀，中心旁邊嘅行山徑連接海下灣海岸公園，步行只需約10分鐘。局長話，中心嘅設計意念源自傳統村莊佈局，着重同大自然融合，為遊客提供悠閒、舒適嘅活動空間。