【明報專訊】財政司長陳茂波噚日發表網誌，話全民檢測踏入第13日，累計有超過160萬人登記檢測，感謝參與計劃嘅市民同檢測人員。政府上周五放寬食肆每枱可坐4人，財爺喺網誌少有咁出短片講吓佢落區視察，片中所見，財爺同政治助理、新聞秘書等去咗西環一間糖水店食桑寄生蓮子蛋茶，財爺其後又攞埋碗糖水同店中食緊飯嘅3個員工搭枱傾偈，之後又去海濱長廊睇小朋友踩單車，佢話希望疫情受控後，可以盡快重啟經濟活動。