【明報專訊】「清潔龍阿德」上星期四喺facebook出帖介紹食環署加強街市清潔同消毒，亦會為大家量體溫，民建聯觀塘區議員顏汶羽上星期四到牛頭角街市觀察，覺得情况唔理想，話等到早上9點先有人當值量體溫，於是留言畀德哥反映問題，叫佢得閒去睇吓。食環署副署長黃淑嫻翌日用自己fb回覆留言，話已經改善咗，仲問「咁你今日上午7點有冇去睇過，如果冇，咁你聽日上午7點去視察吓啦」。