【明報專訊】社福界立法會議員邵家臻任浸大社工系講師多年，早前收到通知不獲續約，要喺今個月31日前交還辦公室鎖匙、離開浸大。阿臻近日忙於執拾、清空浸大辦公室，佢同Emily講，頭兩日執嘢係最難過，每次見到學生嘅打氣說話、系主任嘅評核報告等等，都百感交集。前日就有舊生笑佢，話知道佢一個人搞唔掂，特意返去幫佢執嘢，令阿臻感覺好番啲。阿臻又話過往大家話結婚、喪禮先會見到老朋友，𠵱家「執包袱」都係重聚機會，所以唔會同舊生客氣。