【明報專訊】「就算你壯闊胸膛，不敵天氣，兩鬢斑白都可認得你。」王菲嘅歌曲《約定》膾炙人口，填詞人林夕近日改詞，憑歌寄意送畀流亡英國嘅前立法會議員羅冠聰，將上面經典一句改為「就算你去國胸懷，不敵天氣，你的親人都可認得你」；阿聰亦有感而發改詞回應，唔少網民都話，睇到改詞已經忍唔住喊；亦有人話希望可以由歌手何韻詩唱出新詞。