【明報專訊】網媒「堅料網」、「巴士的報」噚日分別報道，美國駐港澳總領事史墨客，噚日下晝去咗資深大律師、公民黨主席梁家傑位於中環太子大廈嘅律師樓，公民黨黨魁楊岳橋亦有出席。「堅料網」報道附有相片同短片，其中一張相由車內拍攝前面一架有「CC」車牌（領事車牌）嘅車，指史墨客坐車到太子大廈，亦有史墨客落車相，及喺梁家傑律師樓樓層行出並步入律師行嘅短片。