【明報專訊】財政司長陳茂波噚日發表網誌，話市民可早兩日收到政府嘅1萬元。財爺話喺6月做電子登記嘅430萬名合資格市民，會喺今日起嘅兩三日內分批收到錢，比原定日子早兩日。財爺仲話，港區國安法生效，社會漸恢復安全穩定，叫大家為此一齊營造良好嘅消費氛圍。財爺話未來兩個月係「消費黃金檔期」，話自己都未登記攞錢，但就「先使未來錢」，喺兩間社企訂咗愛心飯盒、曲奇餅，準備送畀長者同埋小朋友。