【明報專訊】為疫情關閉近5個月嘅香港迪士尼樂園噚日朝早10點重開，有人一早嚟等開門，又有人變身米奇、米妮，仲有家長特登為小朋友請假嚟玩。排頭位嘅4個中學生同大學生7點15分已到，佢哋以前每星期都入園，閉園後就改為每個月去迪士尼酒店嘅紀念品店買新產品。身為迪士尼迷，噚日除咗著迪士尼T恤，仲帶咗米奇風扇、唐老鴨噴霧瓶等。