【明報專訊】今年係六四31周年，喺疫情較為紓緩下，「六四紀念館」終於重開。今年紀念館有一個新主題展覽，扣連「八九六四」同「反送中」。支聯會話，去年香港掀起「反送中」運動，有好多人將運動同「六四」對比。紀念館由20號（下周三）開始推出新展覽，會透過唔同文物、展品同紀錄片等，比較兩場運動嘅異同，希望啟發學生，亦令佢哋多了解歷史，培養佢哋追求民主、普世價值嘅公民意識。