【明報專訊】新增選民登記今個星期六（5月2日）截止，公民黨立法會議員噚日召開記者會，呼籲市民登記做選民，話今次選舉意義重大，民主派有無機會喺立法會取得過半數議席，就要靠大家幫手。除咗現任立法會議員出席記者會，外界盛傳將會披甲上陣嘅公民黨成員，包括有意出戰飲食界嘅林瑞華，盛傳分別有意出戰九龍西、港島及「超級區議會」界別嘅區議員余德寶、鄭達鴻同黃文萱，都有現身記者會。