【明報專訊】立法會內委會噚日火花四濺，建制派「副班長」、民建聯陳克勤咁啱噚日44歲生日，但全日都有財會、內會會議，令佢生日都喺議會度過，仲要發火話對公民黨郭榮鏗主持會議嘅手法非常憤怒同不滿。雖然全日困喺立法會，但克勤都有好同事同佢慶祝生日，仲特登訂咗個「星球大戰」蛋糕同佢慶祝，蛋糕上隻「白兵」原來可以擺半年，𧨾得鍾意星球大戰嘅克勤幾開心。克勤笑言食咗5個蛋糕要減肥，至於生日願望，佢話希望內會困局早日解決。