【明報專訊】踏入復活節假期，建築、測量、規劃及園境界議員謝偉銓（Tony）噚日喺facebook介紹復活蛋嘅意義，仲用佢嘅專業，介紹圓形同蛋形設計嘅建築物。喺科學園嘅高錕會議中心、太空館都係蛋形，Tony話呢啲蛋形設計背後都有考量實際需要，唔係貪得意，舉例太空館就係要配合館內嘅全天域電影，睇戲時立體感會比平面強。