【明報專訊】過往喺維園舉行嘅「曬佛節」，今年因為武漢肺炎疫情嚴峻而移師大帽山，舉行3天，噚日係最後一次。香港曬佛節創辦人覺囊派藏哇活佛阿旺‧袞噶丹增嘉措寧波車，聯同十幾名善信，喺大帽山觀景台展示6米高釋迦牟尼佛巨幅唐卡，再由寧波車頌經祈福，佢話選擇大帽山因該處係全港最高之地，希望可福澤全港市民。寧波車喺活動開始前亦有戴口罩，祈福時就除低，佢話「從佛法角度，我們並非主張殺滅病毒；而是對其也抱持慈悲態度，祈求諸佛菩薩慈悲與光明的力量，令病毒及早遠離」。