【明報專訊】武漢肺炎疫情持續，民建聯噚日宣布成立「港島抗疫平台」，目前搵到10萬個口罩，將透過平台向登記申請嘅港島居民派發，同埋幫登記會員買餸，避免佢哋出街增加感染風險。被問到加強地區服務係咪同9月選舉有關，民建聯立法會議員張國鈞話，𠵱家已經冇乜人講選舉，「左中右都諗緊點對抗疫情」，希望大家放低政見，喺關鍵時刻下團結抗疫。