【明報專訊】盛傳工聯會立法會議員麥美娟月前喺建制派與特首林鄭月娥喺禮賓府會面期間，爆粗鬧林太，麥美娟一直無承認或否認呢件事。其後經民聯張華峰（肥老闆）嘅錄音流出，一時形容爆粗者為「嗰個女仔」，之後先記起係麥美娟，又話爆粗地點係「迎賓館」、「特首屋企」。麥美娟噚日好鬼馬，提早寫咗聖誕卡，強調寫上自己全名，仲親自送畀肥老闆，話「怕會寄錯去迎賓館」。