【明報專訊】香港有唔少古蹟同歷史建築都有歷史價值，但可能被丟空而未能好好善用。發展局噚日公布「第六期活化歷史建築伙伴計劃」，今期4幢開放申請嘅歷史建築，就包括大潭篤原水抽水站員工宿舍群、位於青山公路汀九段嘅白樓、司徒拔道嘅景賢里及馬灣田寮村嘅芳園書室。景賢里呢個法定古蹟大家好可能聽過，其實佢喺2011及2013年都被納入第三及第四期嘅計劃，但最後都未有揀到合適方案。