【明報專訊】新任警務處長鄧炳強近日頻頻話要用「剛柔並濟」嘅手法處理示威，前日尖沙嘴「毋忘初心大遊行」就出現有防暴警察向正怒罵佢哋嘅示威者，高舉雙手，做出心形「派心」手勢，以「示愛」方式回應挑釁嘅群眾。據Emily了解，前日西九龍大隊嘅午餐，其中一個選擇就係「Show me your love飯」（粟米肉粒飯），唔知嗰位阿sir係咪食完個飯受到啟發，而做出呢個「軟攻」手勢呢。