【明報專訊】反修例風波持續，一向敢言嘅自由黨榮譽主席田北俊（圖右）都多次發聲，但對局勢發展似乎都有啲無力感。佢噚日上民主黨前主席劉慧卿（圖左）嘅網台節目《議會內外》時，就話已經冇把握成立獨立調查委員會（COI）可以令示威者收貨，對換特首都冇乜信心，又自嘲自己同卿姐都已經離地，勇武都唔會聽佢哋講嘢。卿姐聽到後隨即反駁：「我真係唔離地。」