【明報專訊】本周一晚市民喺元朗集會後同警方爆發衝突，警察當日帶同警犬上陣，警察接連放催淚彈，警員有戴防毒面罩同頭盔，警犬就冇，喺催淚氣體瀰漫時「裸跑」；唔少關注動物權益人士都關注事件，噚日NPV非牟利獸醫執行主席麥志豪去咗投訴警察課投訴，不滿警員喺處理大型示威活動時帶同無裝備嘅警犬執勤，認為有虐待動物之嫌。