【明報專訊】港府今個月5號用「先訂立、後審議」方式實施《禁止蒙面規例》，然後先交畀立法會審議。噚日立法會《禁止蒙面規例》小組委員會開咗第一次會，保安局副秘書長李美美介紹新例時，拎咗張藍天白雲嘅香港相去對比近日地鐵被破壞嘅相，話香港4個月之前係好安全，今非昔比。李美美呢番話激嬲一眾泛民議員，泛民批評政府立場偏頗，唔提警暴、7．21元朗站白衣人無差別襲擊市民事件。